Türkiyə rəhbərliyindən çeçenlərin problemləri ilə daha çox maraqlanmalarını istəyirik.

Axar.az xəbər verir ki, bunu jurnalistlərə açıqlamasında Türkiyədəki çeçen mühacirlərinin yaratdığı KAFKASDER təşkilatının rəsmi nümayəndəsi Əli Viskhacıyev söyləyib.

“Çeçenistandan gələn mühacirlərə yardım üçün yeni dərnək açmışıq. Bəzən bürokratik problemlərlə qarşılaşırıq. Türkiyə çeçen xalqı üçün ikinci vətən oldu. Son 6-7 il içində Türkiyədə 9 çeçenə sui-qəsd olub. Rusiyanın agentləri sayəsində bizim təmsilçilərimiz öldürülüb. Türkiyə bizə yardım edir, amma diqqətlərini bir az daha artırmaqlarını istəyirik”, – deyə, o bildirib.

Qeyd edək ki, Rusiya dəfələrlə çeçen mühacirlərin geri verilməsini istəsə də, Türkiyə buna razı olmayıb. Sonuncu dəfə Ankaraya qarşı belə tələbi Çeçenistan lideri Ramzan Kadırov irəli sürüb.