Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
13 Noyabr 2018


Fazil Məmmədov dövrü bitdi: Yeni nazirdən gözləntilər

Ana səhifə Siyasət
12 Punto 14 Punto 16 Punto 18 Punto

Sərt vergi siyasətindən daha liberal və yumşaq vergi siyasətinə qədəm qoymaq çox vacibdir. Çünki postneft dövrünün çağırışları bunu tələb edir.

Bu sözləri Axar.az-a iqtisadçı alim Vüqar Bayramov Vergilər Nazirliyində vergi siyasətinin dəyişəcəyi gözləntiləri barədə danışarkən deyib. O bildirib ki, yeni nazirdən gözləntilər çoxdur:

“Bir neçə istiqamət üzrə dəyişikliklər ediləcəyini gözləyirik. Düşünürəm ki, ilk növbədə vergi siyasəti liberallaşacaq. Vergi dərəcələrinin optimallaşdırılmasına da ehtiyac var. Çünki Azərbaycanda vergi dərəcələri yüksəkdir. Xüsusən də əlavə dəyər vergisi, gəlir vergisi, mənfəət vergisinin dərəcələrinə baxılması və tənzimlənməsi hazırkı reallığın tələbidir”.

Ekspert qeyd edib ki, Azərbaycanda differensial əlavə dəyər vergisinin təbliğini uzun müddətdir gündəmə gətirirlər:

“Bununla bağlı təkliflər də vermişik. Düşünürəm ki, bunun qəbul edilib tətbiqinə başlanması çox vacib məsələdir. Azərbaycanda ƏDV dərəcələri differensiallaşdırılmalı və differensial vergi dərəcələri müəyyənləşdirilməlidir. Bu, həm də sektorların inkişafını tənzimləmiş olacaq. Eyni zamanda, Vergilər Nazirliyi ilə sahibkarlar arasındakı münasibətlərin daha sivil müstəvidə həyata keçirilməsi və insanların sahibkarlığa təşviq edilməsi istiqamətində vergi nəzarətinin təkmilləşdirilməsi məsələsi də gündəmdədir. Çünki postneft dövründə, eləcə də qeyri-neft sektorunun genişlənməsi üçün sahibkarlığın inkişafı olduqca həlledici məqam sayılır. Bu baxımdan yeni nazir üçün prioritet məsələlərdən biri də vergi orqanları və sahibkarlar arasındakı münasibətlərin təkmilləşdirilməsi istiqaməti olacaq”.

Ekspert vurğulayıb ki, digər məqam şəffaflığın artırılması istiqamətində fəaliyyətlərin davam etdirilməsidir:

“Daha şəffaf vergi sisteminin tətbiq edilməsi və həyata keçirilməsinə ehtiyac var. Bu istiqamətdə xüsusilə də elektron xidmətlərin dairəsinin genişləndirilməsi fonunda islahatların keçirilməsi vacibdir. Yeni rəhbərlik tərəfindən bu prioritetlər nəzərə alınsa, biz həm qeyri-neft sektorunun istehsal və ixrac imkanlarının artmasını, həm də sahibkarlığın inkişafını, eyni zamanda vergi bazasının genişləndirilməsini müşahidə edəcəyik”.

Qeyd edək ki, ötən gün prezident İlham Əliyevin sərəncamı ilə Vergilər naziri Fazil Məmmədov vəzifəsindən azad olunaraq onun yerinə Təhsil naziri Mikayıl Cabbarov təyin edilib.

Tarix
2017.12.07 / 14:55
Müəllif
Firuzə Vahidqızı
Şərhlər
Загрузка...
Digər xəbərlər

İlham Əliyev Slovakiyanın baş naziri ilə görüşdü - Foto

Azərbaycan və Slovakiya baş nazirləri görüşdü - Foto

Mustafa bəyin SSRİ-ni silkələyən – Məhkəmə çıxışı

Nikolun Astanaya göndərdiyi diplomat nəyi dəyişə bilər?

Tramp bu addımı atsa, Bakı çox güclənəcək - Qəmbəryan

Güney və Quzey Azərbaycan birləşə bilər – Sərkisyandan şok

Köklü islahatlar aparılacaq – Spiker açıqladı

İlham Əliyev və xanımı yeni mərkəzin açılışında - Foto

Lukaşenko KTMT baş katibliyini Bakı ilə müzakirə etdi

Bakıdan Nikola cavab: Sülhdən danışmaq yaxşıdır, amma...

KULT
<>
Xəbər xətti
 
  
  
Axar.az'da reklam Bağla
Reklam
Bize yazin Bağla