Ana səhifə Siyasət |
Analitiklər ABŞ-ın son 30 il ərzində müharibələrə sərf etdiyi pulları fəlakət kimi qiymətləndirirlər. Bəs ABŞ-ı ayaqda saxlayan nədir? Bu, yumşaq gücdür.
Axar.az xəbər verir ki, bu sözləri Qırğızıstanın sabiq baş naziri Coomart Otorbayev Altıncı Qlobal Bakı forumunda panel müzakirələrində çıxışı zamanı deyib. O bildirib ki, XXI əsrdə lider ölkəyə çevrilməyin şərti yumşaq gücdür, ABŞ bu gücdən məharətlə istifadə edir.
“Bu gün ABŞ deyəndə Quql, Disney, Harvard ağıla gəlir. ABŞ-ın əsas güc elementləri bunlardır. İnsanlar ABŞ-a cazibəsinə görə gedirlər. ABŞ digər ölkələrdə insanların inamını qazanır, bu siyasətin əsas qüvvəsidir. Bu təkcə ordu və iqtisadi güc deyil. Əsas gücə çevrilmək həm də doğru hekayənin yazılmasıdır. Balkan marşrutu təşəbbüsü o zaman müvəffəqiyyətli ola biləcək ki, Çin digər ölkələrlə əməkdaşlıq etsin. Təkcə yolların çəkilməsi kifayət deyil. Mənim təklifim odur ki, müstəqil dünyada yumşaq güclərin rəqabətinə ehtiyac var. Olimpiya oyunlarında Norveç kimi kiçik ölkənin uğurları digər ölkələr üzərində onun təsirini göstərdi. Bu, yumşaq gücün təzahürüdür”.
Tarix
2018.03.15 / 16:24
|
Müəllif
Axar.az
|