Oğul həbs edilmiş atasına dovğanın içərisində narlotik aparan zaman həbs edilib.

Penitensiar Xidmətdən Axar.az-a verilən məlumata görə, əməliyyat-axtarış tədbirləri nəticəsində müəssisəyə narkotik maddə keçirilməsi cəhdinin qarşısı alınıb.

Cinayət Məcəlləsinin 234.3-cü maddəsi ilə təqsirli bilinərək həbs edilmiş Seyidhüseyn Mirmehdi oğlu Ağamiyə Şirvan şəhərində yaşayan oğlu Mirmövsüm Seyidhüseyn oğlu Ağami tərəfindən gətirilmiş sovqata və əşyalara baxış keçirilib. Bu zaman plastik qabda olan dovğanın içərisində gizlədilmiş 4 ədəd sellofan bükülüdən ümumi çəkisi 1.663 qram olan narkotik maddə - kokain aşkar edilərək götürülüb.

Fakt üzrə toplanılmış materiallar hüquqi qiymət verilməsi məqsədilə Sabunçu Rayon Polis İdarəsinə göndərilib.