Ana səhifə Toplum |
Beyrut şəhərində avtomobil vurması nəticəsində dünyasını dəyişən və 4 gündür meyiti orada saxlanılan Xəzər Əliyev rəsmən hansısa idman federasiyasının və ya klubunun üzvü deyil.
Bu sözləri Axar.az-a Gənclər və İdman Nazirliyinin ictimaiyyətlə əlaqələr şöbəsinin müdiri Səmayə Məmmədova Beyrutda vəfat edən idmançı Xəzər Əliyevlə bağlı bildirib. S.Məmmədova qeyd edib ki, idmançı olduğu deyilən X.Əliyevlə bağlı araşdırma aparıb:
“Araşdırma üçün bütün federasiyalarla əlaqə saxladım. MMA döyüş növünü təmsil edən qurumlar, klublardan maraqlandım. Ancaq heç birininin Xəzər Əliyev adlı idmançısı yoxdur. Beyrutda vəfat edən həmyerlimiz rəsmi olaraq hansısa federasiyanın, idman akademiyasının üzvü deyil”.
Qeyd edək ki, 1994-cü il təvəllüdlü Xəzər Əliyevi Beyrutda avtomobil vurub və hazırda meyiti Beyrut şəhər morqunda saxlanılır. Onun meyitinin ölkəyə gətirilməsi üçün xəstəxana 12.000 dollar əməliyyat pulu, 7-8 min dollar isə meyitin ölkəsinə göndərilməsi üçün tələb edib.
İdmançının anası hazırda Beyruta gedir.
Xarici İşlər Nazirliyi isə idmançımızın Azərbaycana göndərilməsi üçün tədbirlər görüldüyünü bildirib.
Tarix
2017.08.31 / 15:32
|
Müəllif
Nigar İxtiyarqızı
|