Millət vəkili Qənirə Paşayeva Türkiyənin İstanbul, Bolu, Kayseri və Manisa vilayətlərində bu ölkənin bir sıra QHT, KİV rəhbərləri və aydınları ilə görüşüb.

Axar.az xəbər verir ki, millət vəkili görüşdə bəzi güclərin, erməni diasporu və onların dəstəkçilərinin Azərbaycan və Türkiyə əleyhinə təbliğat aparmasından söz açıb.

Millət vəkili bütün gəncləri, QHT və KİV-ləri həssas və duyarlı olmağa, yalanlara qarşı mübarizəyə səsləyib:

“İki qardaş ölkənin münasibətlərinə zərər vurmaq istəyənlər layiq olduqları cavabı alacaqlar. Qarabağ həqiqətlərinin daha geniş yayılmasında, qondarma “erməni soyqırımı”na qarşı mübarizədə türk dünyası QHT, KİV-lərin üzərinə böyük vəzifələr düşür. Azərbaycan və Türkiyə bir millət iki dövlətdir. Bu, birlik dosta və düşmənə bir mesajdır”.

Q.Paşayeva sonda bir sıra KİV-lərin suallarını cavablandıraraq Azərbaycan və türk dünyası ilə bağlı geniş müsahibələr verib.