Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
19 Yanvar 2018


Açıq satışda var: ancaq alan 500 manat cərimə olunur

Ana səhifə Toplum
12 Punto 14 Punto 16 Punto 18 Punto

Qanun qadağan etsə də, avtomobillərə quraşdırılması inzibati xəta tərkibi yaratsa da, antiradar cihazı açıq satışa çıxarılır.

Qadağan edilmiş bu cihazın həm Əmlak Məsələləri Dövlət Komitəsində hərraca çıxarılması və alış-veriş saytında açıq şəkildə satılması ilə bağlı Bakı Şəhər Dövlət Yol Polisi İdarəsinin bölmə rəisi Vaqif Əsədov Axar.az-a açıqlama verib. O bildirib ki, antiradar cihazının satışı “Yol hərəkəti haqqında” qanunun tələblərinin təbliğinə aid deyil:

“Bu cihazın satışı ilə bağlı biz bir şey edə bilmərik. “Yol hərəkəti haqqında” qanunda deyilir ki, antiradar qurğularının avtomobillərə quraşdırılması inzibati xəta tərkibi yaradır. Bunun cəriməsi də yüksəkdir. Avtomobilərə antiradar cihazı, yəni radarın işini əngəlləyən qurğu qoyulmasına görə sürücü məsuliyyət daşıyır. Sürücü o qurğuya görə 500 manatdan 800 manata qədər cərimə edilə bilər”.

V.Əsədov bildirib ki, həmin cihazın satışına müdaxilə edə bilməzlər:

“Bu qurğunun satışı ilə bağlı sualı bizə ünvanlamayın. Bununla biz məşğul olmuruq. Bu, bizə aid olan bir məsələ deyil. Biz birmənalı olaraq bildiririk ki, qanun bu qurğuların avtomobillərə quraşdırlmasına icazə vermir. Hər hansısa avtomobildə bu cihaz müəyyən edilərsə, mütləq qaydada cərmələnəcək”.

Hüquqşünaş, yol-hərəkəti üzrə ekspert Ərşad Hüseynov Axar.az-a açıqlamasında bildirib ki, dəqiqləşdirmək lazımdır, hərracda və saytlarda satışa çıxarılan həmin qurğu özündən radiodalğalar buraxaraq radarın fəaliyyətini məhdudlaşdıran cihazdır, ya yox:

“Antiradar özü dalğalar buraxan və bu dalğalarla radarın işini məhdudlaşdıran qurğudur. Antiradar - radara işləməyə imkan verməyən cihazdır. Radarın dalğalarını öldürür, boğur və imkan vermir ki, radar avtomobilin sürətini ölçsün.

Azərbaycanda məhz antiradar, yəni radarın dalğalarını öldürən cihaz qadağandır. Bu qurğudan da avtomobillərdən başqa heç bir yerdə istifadə edilməsi mümkün deyil. Avtomobillərə quraşdırılması da qadağan edilibsə, ölkədə satışı, gətirilməsi də əhəmiyyətsizdir”.

Ə.Hüseynovun sözlərinə görə, dövriyyəsi məhdudlaşdırılan əmlakların konkret siyahısı var ki, radarın fəaliyyətini məhdudlaşdıran antiradar da həmin siyahıya salınıb:

“Prezident tərəfindən o əşyaların siyahısı da müəyyən olunub. O siyahıda da konkret bildirilir ki, hansı texniki göstəriciləri olanlar məhdudlaşdırılıb. Rabitə və Yüksək Texnologiyalar Nazirliyinin həmin cihazların ölkəyə gətirilməsini və satılmasını qadağan edib, məhdudlaşdırıb. Avbtomobillərə quraşdırıması da qanunla tənzimlənir, cəriməsi də var”.

Baş Dövlət Yol Polisi İdarəsinin İctimaiyyətlə əlaqələr şöbəsinin rəisi Kamran Əliyev də deyir ki, antiradarlar radarların işinə mane olduğuna görə qadağan edilib.

Qeyd edək ki, antiradar cihazı “Tap.az” saytında açıq satışa çıxarılıb. Həmçinin Əmlak Məsələləri Dövlət Komitəsinin növbəti hərracında da sözügedən cihaz satılır.

Tarix
2017.11.14 / 12:21
Müəllif
Nigar İxtiyarqızı
Şərhlər
loading...
Digər xəbərlər

20 Yanvar şəhidlərinin ailələri ilə görüş keçirildi - Foto

Nazirin iki müavini eyni vaxtda işdən çıxarıldı

İstanbula və Kiyevə getmək istəyənlərə şad xəbər

Səhiyyə nazirindən əmr: Məmmədova vəzifə verildi...

İlham Əliyev 6 sərəncam, 1 fərman imzaladı

Mikayıl Cabbarov bəstəkarın oğluna yüksək vəzifə verdi

Bakıda 272 kq narkotik vasitə ələ keçirildi

Məmmədyarovun Nalbəndyanla görüşü başa çatdı

General açıqladı: Bu cinayətlərin 92 faizinin üstü açılıb

Azərbaycanda 1335 km yol çəkildi

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla