Ana səhifə Toplum |
Bir neçə gün öncə Bakıda müşahidə edilən toz-duman artıq iki gündür sovuşub və tamamilə yox olub.
Bu sözləri Axar.az-a Ekologiya və Təbii Sərvətlər Nazirliyindən Mətanət Ayvazova bir neçə gün öncə Bakıda və Abşeron yarımadasında müşahidə edilən Ərəbistan yarımadasından cənub-qərb küləyi vasitəsilə gəlmiş toz-dumanlı hava ilə bağlı danışarkən deyib.
Onun sözlərinə görə, toz-dumanlı hava qısa müddətli bir proses olub və dünəndən etibarən tamamilə çəkilib:
“Bakıda bu tip hava ilə bağlı əhaliyə əvvəlcədən xəbərdarlıq. Yaxın günlərdə belə bir toz-duman müşahidə edilməsi gözlənilmir”.
Qeyd edək ki, iki gün öncə Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti Bakıda və Abşeron yarımadasında müşahidə olunan toz-dumanı ilə bağlı məlumat vermişdi.
Bildirilmişdi ki, havanın keyfiyyətini ölçən avtomatik və stasionar monitorinq stansiyalarından alınan məlumata görə 21 noyabr 2017-ci il tarixində səhər saat 9:00-da Bakı və Abşeron yarımadasında tozun miqdarının sanitar normadan yuxarı olduğu qeydə alınıb.
Bakıda və Abşeron yarımadasında müşahidə olunan toz-dumanı Ərəbistan yarımadasından cənub-qərb küləyi vasitəsilə atmosfer axınları ilə ölkə ərazisinə daxil olmuşdu.
Tarix
2017.11.23 / 17:27
|
Müəllif
Nigar İxtiyarqızı
|