Bakı şəhəri 6 nömrəli tam orta məktəb-lisey kompleksinin kollektivi Ağdama xeyriyyə səfəri təşkil edib.

Kult.az xəbər verir ki, səfər zamanı Ağdam rayonu 106 saylı köçkün orta məktəbində I-XI siniflərdə təhsil alan 348 şagirdə geyim əşyaları, dərs vəsaitləri, məktəb ləvazimatları və hədiyyələr təqdim edilib.

Səfərdə 6 nömrəli tam orta məktəb-liseyin direktoru, əməkdar müəllim Gülşən Orucova ilə yanaşı məktəb kollektivindən daha 11 nəfər müəllim iştirak edib. Tədbir iştirakçıları tərəfindən 25 şəhid ailəsinə ərzaq yardımı edilib. Şagirdlərin əyləncəsi üçün tədbirdə kiçik musiqi qrupu da iştirak edib.

Xeyriyyə səfərində əsas məqsəd 31 dekabr Dünya Azərbaycanlılarının Həmrəylik Günü ərəfəsində Ağdam rayonunda məskunlaşmış qaçqın və məcburi köçkün ailələrini ziyarət edərək həmrəylik nümayiş etdirmək olub.