Paytaxt məktəbliləri üçün fövqəladə hallarda davranış qaydalarına dair təlimlər keçirilir.

Bakı Şəhəri üzrə Təhsil İdarəsindən Axar.az-a verilən məlumata görə, “Ümumi təhsil müəssisələrində baş verə biləcək fövqəladə hallara şagirdlərin fiziki və psixoloji hazırlığı” mövzusunda təlimlər keçirilir. Təlimlər “Məktəblinin dostu” layihəsi çərçivəsində təşkil edilir. Təlimlərin keçirilməsində əsas məqsəd məktəblilərin fövqəladə hallarla bağlı bilik və bacarıqlarını təkmilləşdirməkdir. Həmçinin onları müvafiq hadisələrə psixoloji cəhətdən hazırlaşdırmaqdan ibarətdir.

Təlimlərdə şagirdlərə fövqəladə hallarla bağlı zəruri tədbirlər haqqında məlumat verilir.

Təlimlərin 2017-2018-ci tədris ili ərzində davam etdirilməsi nəzərdə tutulur.