Ana səhifə Toplum |
Millət vəkili Vahid Əhmədov Quba şəhərində yerləşən ofisində seçiciləri ilə görüşüb.
Axar.az xəbər verir ki, görüş zamanı ötən ilin yekunları, görülmüş işlər, yeni il üçün nəzərdə tutulan məsələlərdən söhbət açılıb. Vətəndaşları qayğılandıran bir çox məsələlər - rayonda aparılan quruculuq işləri, işədüzəlmə, yardımların olunması, əhalinin qazla təminatında yaranan problemlər, torpaq sahələrinin paylanması və s. deputatın nəzərinə çatdırılıb.
Bütün məsələlər qeydiyyata alınıb, bəziləri yerindəcə öz həllini tapıb, bəzi məsələlər isə baxılmaq üçün nəzarətə götürülüb.
Növbəti qəbulu fevral ayına planlaşdıran deputat şəhərdə aparılan abadlıq işləri ilə tanış olub, rayon rəhbərliyi ilə görüşərək, bir sıra problemlər barəsində fikir mübadiləsi aparıb.
Tarix
2018.01.19 / 17:00
|
Müəllif
Nərmin Əkbərli
|