Ana səhifə Toplum |
Dekabrın 26-da Azərbaycanda müşahidə olunacaq hava proqnozu açıqlanıb.
Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev Report-a deyib ki, sabah Bakıda və Abşeron yarımadasında hava şəraitinin gün ərzində dəyişkən buludlu, əsasən yağmursuz keçəcəyi, səhər bəzi yerlərdə zəif duman olacağı gözlənilir. Cənub-qərb küləyi yarımadanın bəzi yerlərində güclənəcək, axşam isə şimal-qərb küləyi ilə əvəz olunacaq. Havanın temperaturunun gecə 4-7, gündüz 10-14 dərəcə isti olacağı gözlənilir.
Sabah Azərbaycanın rayonlarında hava şəraitinin əsasən yağmursuz
keçəcəyi, gecə və səhər bəzi yerlərdə duman olacağı gözlənilir.
Qərb küləyi əsəcək, ayrı-ayrı yerlərdə arabir güclənəcək. Havanın
temperaturunun gecə 3-8, gündüz 10-15 dərəcə isti, dağlarda gecə
0-5 dərəcə isti, gündüz 8-13 dərəcə isti olacağı gözlənilir.
O, həmçinin qeyd edib ki, bu cür hava şəraiti yaxın 3 gün ərzində
davam edəcək.
Atmosfer təzyiqi 767 mm civə sütunundan 763 mm civə sütununa enəcək, nisbi rütubət gecə 75-85, gündüz 55-65 faiz təşkil edəcək.
Tarix
2014.12.25 / 13:11
|
Müəllif
Axar.az
|