Neftçilərin Hüquqlarını Müdafiə Təşkilatı "Neft-qaz sektorunda çalışan işçilərin hüquqi müdafiə mexanizmlərinin gücləndirilməsi" məqsədi ilə təlim-məsləhət saatı təşkil edəcək.

Axar.az xəbər verir ki, bu barədə Neftçilərin Hüquqlarının Müdafiəsi Təşkilatının sədri Mirvari Qəhrəmanlı məlumat verib. Təlim-məsləhət saatı Prezident yanında Qeyri-Hökumət Təşkilatlarına dövlət dəstəyi Şurasının maliyyə dəstəyilə keçiriləcək.

Təlimdə Əmək Məcəlləsi Haqqında məlumat və işçiləri maraqlandıran məsələlər haqqında məlumat veriləcək.

Tədbir noyabr ayının 7-i saat 11:00-dan 14:00 qədər Bakı QHT-lərinin Resurs və Təlim Mərkəzində təşkil ediləcək.(Əlaqə telefonu; 0502437009-Həmid müəllim. Ünvan: Zərgərpalan 5/42 II mərtəbə mənzil 56 (DİN-nin arxasındakı bina)

Arzu edən hər kəs təlimlərdə iştirak edə bilər.