Günlərdir davam edən aramsız yağışlar Lənkəranda balıqçıların işini çətinə salıb.

Axar.az-a bölgədən verilən xəbərə görə, yağmurlu hava şəraiti balıqçılıq təsərrüfatına ciddi ziyan vurub.

Oktyabrın əvvəllərindən başlayaraq fasiləsiz yağan yağış balıq ovunda məhdudiyyət yaradıb. Sakinlər bazarlarda almağa balıq tapmır, olanlar isə çox baha qiymətədir.

Sakinlərin sözlərinə görə, hər ilin payızı Lənkəranda yağışlı keçir. Amma bu ilki qədər davamlı olaraq yağmurlu olmadığına görə balıq bazarında belə çətinlik yaranmamışdı.

Qeyd edək ki, Lənkəranın su basan kəndlərində onlarla fərdi yaşayış evinin həyətyanı sahələri sel sularına qərq olunub, nəticədə yerli sakinlərə xeyli maddi ziyan dəyib.