Ana səhifə Toplum |
Yanvarın 29-da Xəzər dənizinin Türkmənistan sektorunda nəşi tapılan neftçi Sahib Güloğlan oğlu Şahmarov Qarabağ müharibəsi veteranıdır.
Axar.az BBC-yə istinadla xəbər verir ki, o, müharibə başlayanda könüllü olaraq cəbhəyə yollanıb.
Ağdam, Şuşa, Laçın, Füzuli uğrunda gedən döyüşlərdə iştirak edib. Qızğın döyüşlərin birində güllə yarası alıb; ayağını dəlib keçən qəlpə dizində böyük deşik yaradıb.
Buna baxmayaraq, qısa müddətli müalicədən sonra yenidən ön cəbhəyə yollanıb.
Döyüşdə göstərdiyi şücaətə görə müxtəlif mükafatlara layiq görülüb.
Həyat yoldaşı Şahnaz xanım bildirib ki, müharibə veteranı kimi qonşular arasında çox hörməti var idi:
"Bu xəbər gələndə qonşular onun üçün məsciddə uğur və kömək diləmək üçün qılınan hacət namazı qıldılar. Pis adam olsaydı, heç onu etməzdilər".
Mərhumun Məhəmməd və Məsumə adlı övladları var.
Tarix
2016.01.31 / 00:31
|
Müəllif
Axar.az
|