Ana səhifə Avto |
Azərbaycanda ötən il sığorta ödənişləri üzrə ən çox artım hava nəqliyyat vasitələri tərəfindən qeydə alınıb.
Axar.az xəbər verir ki, Sığortaçılar Assosiasiyası ötən il ərzində sığorta üzrə ödənişlərin 158 dəfə artaraq 215 min manat olduğunu açıqlayıb.
Sonrakı pillədə isə su nəqliyyat vasitələrinin sığortası gəlir. Burada ödəniş 69 dəfə artaraq 94 min manata çatıb.
Ən ciddi azalma tempi isə avtonəqliyyatdadır. Bu növ sığorta üzrə ödəniş 53,7 faiz azalaraq 939 min manata enib. Azalma tepminə görə, növbəti yeri işçilərin dələduzluğu sığortası tutub. Burada toplanan sığorta haqqı 43,7 faiz azalaraq 567 min manat təşkil edib.
Sığorta yığımlarının məbləği əmlakın yanğından və digər risklərdən sığortasında 23,7 faiz azalaraq 36,4 milyon manat, kasko sığortada 33,5 faiz azalaraq 37,8 milyon manat olub.
Avtonəqliyyat sahiblərinin bir çoxunun siğortadan yayınmasına səbəb kimi onların bu sahədən məlumatsız olmaları göstərilir. Nəticədə, bu sahə üzrə sığorta ödənişlərində azalma dinamikası müşahidə edilir.
Tarix
2015.01.24 / 20:33
|
Müəllif
Pərviz Həsənov
|