2022-ci il in yanvar-aprel aylarında Azərbaycanda 710 ədəd və ya ötən ilin müvafiq dövrü ilə müqayisədə 202 ədəd çox minik avtomobili istehsal olunub.

Axar.az-ın məlumatına görə, qeyd olunan müddət ərzində maşın və avadanlıqların, sair nəqliyyat vasitələrinin, avtomobil, qoşqu və yarımqoşquların istehsalı sahələrində 2022-ci ilin yanvar-aprel aylarında 167,8 milyon manatlıq məhsul istehsal edilib, əvvəlki ilin müvafiq dövrü ilə müqayisədə sair nəqliyyat vasitələrinin istehsalı 4,4 dəfə, avtomobil, qoşqu və yarımqoşquların istehsalı 2,5 dəfə, maşın və avadanlıqların istehsalı isə 30,8 faiz artıb.

Dövr ərzində əvvəlki ilin müvafiq dövrü ilə müqayisədə traktorların istehsalı 4,3 faiz artıb.