Çinin Sənaye Nazirliyi avtomobillərin ilkin qeydiyyatından sonra altı ay ərzində onların təkrar satışını qadağan etməyi planlaşdırır.

Axar.az xəbər verir ki, bu barədə “Röyters” agentliyi məlumat yayıb.

Agentlik qeyd edir ki, bu tədbir “sıfır yürüşlü” ikinci əl avtomobillərin satışı ilə mübarizə məqsədi daşıyır.

Bildirilir ki, belə avtomobillər dünyada ən iri avtomobil bazarında satış uğrunda aparılan sərt rəqabət nəticəsində populyarlaşıb. İstehsal gücünün artıq olması qiymət “müharibəsi”nə səbəb olub və bu vəziyyət artıq bir neçə ildir davam edir.

Agentliyin məlumatına görə, çinli avtomobil istehsalçıları və dilerlər tez-tez yeni avtomobilləri satılmadan əvvəl sığortalayırlar ki, bu da onlara satış planlarını yerinə yetirməyə imkan verir. Lakin bu hal müştərilər üçün narahatlıqlar yarada bilər.