Ana səhifə Bakı 2015 |
"Onlar deyirlər ki, mən lap Amerika musiqiçilərini xatırladıram".
Bu sözləri cazmen, "Qaya" qrupunun üzvü Cavan Zeynallı I Avropa Oyunları müddətində öz fəaliyyəti ilə bağlı Axar.az-a danışarkən deyib:
"Mən hər gün konsert verirəm. Avropa Oyunlarında iştirak etməyə vaxtım olmasa da, ölkəmizə gələn idmançılar, eləcə də, əcnəbi qonaqlar hər axşam məni dinləyirlər. Çalışdığım bir neçə məkan var ki, mən hər gecə bu məkanlarda canlı ifalarla dinləyicilərin zövqünü oxşayıram. Siz bilirsiniz ki, mən xarici musiqiləri çox gözəl bilirəm. Turistlər şok vəziyyətində dayanıb məni dinləyirlər. Hətta pianoda ifama diqqətlə baxıb, oxumağıma heyrətlənirlər. Onlar deyirlər ki, mən lap Amerika musiqiçilərini xatırladıram. Azərbaycan musiqiləri ifa edib qonaqları mədəniyyətimizlə tanış etdikdən sonra əcnəbilərin hansı ölkədən olduğunu öyrənib onlar üçün doğma dillərində müxtəlif musiqilər ifa edirəm. Amerika cazı, İtaliya, İngiltərə, Fransa mahnıları oxusam da, hər gecə öz xalq mahnılarımıza xüsusi yer verirəm".
Tarix
2015.06.25 / 09:09
|
Müəllif
Rəfiqə Əlisəfa
|