Qeyd edək ki, bu iki komanda mundialın ən güclü yığması hesab olunur. Ona görə də bu qarşılaşmanı idman şərhçiləri "finalçıların qarşılaşması" adlandırır.

00:22

Matçın 26-cı dəqiqəsində Dieqo Kostaya qarşı edilən kobudluğa görə hakim hollandların qapısına 11 metrlik cərimə zərbəsi təyin etdi. Xavi Alonso penaltini yerinə yetirdi və ispanları önə keçirdi: 1-0

İspaniya və Hollandiya yığmalarının start heyətində meydana çıxan oyunçuları aşağıdakı kimidir:

İspaniya: 1 Kasilyas, 3. Pike, 6. İnyesta, 8. Xavi, 14. Alonso, 15. Ramos, 16. Serxio, 18. Alba, 19. Kosta, 21. Silva, 22. Azpilisueta.

Baş məşqçi: Vinsent del Boske

Hollandiya: 1 Cillessen, 2. Vlaar, 3. De Vrij, 4. İndi, 5. Blind, 6. De Yonq, 7. Ganmaat, 8. Guzman, 9. Van Persi, 10. Sneyder, 11. Robben.

Baş məşqçi: Lui Van Qal

00:39

Matçın 44-cü dəqiqəsində Hollandiya yığması hesabı bərabərləşdirdi. Van Persi bərabərliyi təmin etdi. 1-1

01:09

Matçın gedişində hesabda geri düşən Hollandiya yığması matçda dönüş etdi. Qarşılaşmanın 53-cü dəqiqəsində Blindin ötürməsiylə Roben komandasını irəli çıxardı. 2-1

01:19

Hollandiya yığması hesabdakı fərqi artırdı. Sneyderin ötürməsi ilə Stefan de Vrij 64-cü dəqiqədə ispanları daha çətin vəziyyətə saldı. 3-1

01:21

Matçın 66-cı dəqiqəsində İspaniya yığması David Silvanın zərbəsi ilə topu hollandların qapısından keçirsə də, hakim, oyundan kənar vəziyyət olduğundan, hesabı qeydə almayıb.

01:30

İspaniya yığmasının qolkiperi İker Kasilyasın kobud səhfi nəticəsində Van Persi hesabı biabırçı həddə gətirib. 4-1

01:35

Hollandiya yığması hesabı rüsvayçı həddə çatdırdı. Roben 5-ci qolun qolun müəllifi oldu. 5-1

Beləliklə, qarşılaşma hollandların 5:1 hesablı qələbəsi ilə yekunlaşdı.