Ümumiyyətlə, şeir yazmaq, şair olmaq çətin işdir. Sən normal hərəkət etdiyini zənn edirsən, amma bəzən kənardan tamam fərqli görünür.

Bu sözləri xalq şairi Fikrət Qoca şair həyatının qəribəlikləri haqda Axar.az-a danışarkən deyib. O, adətən gecələr şeir yazdığını bildirib:

"Məsələn, mən hamı kimi səhər tezdən işə gəlirəm, işləyirəm, evimə çörək aparıram. Axşamlar isə bəzən yatdığım yerdə yuxudan durub gecə 4-də şeir yazıram. Gedib işığı yandırmadan mətbəxdə yazıram ki, yoldaşım oyanmasın, yazıqdır. Şair adamla yaşamaq çətindir, ailəsi bilsəydi, deyərdi ki, bu nədir, qızımız dəliyə ərə gedib ki".