ABŞ Prezidenti Donald Trampın bəyanatlarından sonra Avropa Birliyi 2027-ci ilin sonuna qədər Rusiyadan mayeləşdirilmiş təbii qazın (LNG) alınmasını dayandırmağı planlaşdırır.

Axar.az xəbər verir ki, bu barədə “Blumberq” agentliyi məlumat yayıb.

Məlumata görə, ABŞ Prezidenti Donald Trampın AB-ni Moskva ilə enerji ticarətini məhdudlaşdırmaq üçün əlavə tədbirlər görməyə çağırmasından bir neçə gün sonra AB Rusiyanın mayeləşdirilmiş təbii qazından mərhələli şəkildə imtinasını sürətləndirmək üçün tədbirlər planlaşdırır.

Bildirilir ki, Avropa Komissiyası yeni sanksiyalar paketinə 2027-ci ilin sonuna qədər bütün Rusiya LNG-nin idxalının tədricən dayandırılması haqqında müddəanın daxil edilməsi imkanını nəzərdən keçirir.