Azərbaycanın Baş nazirinin müavini Şahin Mustafayev İrana səfər edib.

Axar.az xəbər verir ki, bu barədə İran Yol və Şəhərsalma Nazirliyinin saytından məlumat verilib.

Məlumata görə, Şahin Mustafayev və Azərbaycan nümayəndə heyəti Tehranın Mehrabad hava limanında İranın yol və şəhərsalma nazirinin müavini, eyni zamanda Nəqliyyat İnfrastrukturunun İnşaatı və İnkişafı Şirkətinin direktoru Huşəng Bazvəndi tərəfindən qarşılanıb.

Səfər çərçivəsində Şahin Mustafayev İran-Azərbaycan İqtisadi Əməkdaşlıq üzrə Birgə Komissiyasının növbəti iclasında iştirak edəcək. O, habelə İranın yol və şəhərsalma naziri Fərzanə Sadiq və digər yüksək vəzifəli rəsmilərlə ikitərəfli görüşlər keçirəcək.