Bu gün İranın Azərbaycandakı səfiri Müctəba Dəmirçilu bu ölkənin xarici işlər naziri Abbas Arakçı ilə görüşüb.

Axar.az xəbər verir ki, bu barədə A.Arakçının Teleqram səhifəsində məlumat paylaşılıb.

“Bu görüşdə səfir xarici işlər nazirinin Bakıya son səfərindən sonra ikitərəfli münasibətlərin son vəziyyəti barədə ətraflı hesabat təqdim edib. Azərbaycan Respublikasının yüksək vəzifəli rəsmiləri ilə konstruktiv görüşlərinə toxunan xarici işlər naziri, Azərbaycan ilə hərtərəfli münasibətlərin davamlı olaraq möhkəmləndirilməsi və inkişafı, eləcə də iqtisadi, tranzit, siyasi, mədəni və humanitar sahələrdə məsləhətləşmələrin genişləndirilməsi yolu ilə mehriban qonşuluq yanaşmasının effektiv şəkildə irəlilədiyini vurğulayıb”, - məlumatda bildirilib.