Makedoniya parlamentinin deputatı Enes İbrahim və diaspor üzrə jurnalist Elnur Eltürk Makedoniya-Azərbaycan Dostluq Cəmiyyəti yaradıblar.

Bu barədə məlumatı Axar.az-a jurnalist Elnur Eltürk verib.

Jurnalist bildirib ki, belə qurumun Makedoniyada yaranmasının haqq səsimizin dünyada eşidilməsinə böyük təsir göstərəcəyini düşünür:

"Makedoniyada da bildiyim qədər iki ölkə arasında əlaqələri gücləndirəcək cəmiyyət yoxdur. Həmçinin, Makedoniya-Azərbaycan arasında birbaşa diplomatik nümayəndəliyik fəaliyyət göstərmir. Cəmiyyət münasiblərimizin güclənməsinə öz töhfəsini verə bilər.

Cəmiyyətin sədri Makedoniya parlamentinin deputatı, tanınmış siyasətçi Enes İbrahimdir. Enes bəy dəfələrlə Azərbaycanda olub və bölgəni yaxşı bilir. Üstəlik, Qarabağla bağlı Makedoniyada bir sıra fəaliyyətləri olub. Makedoniyada gənc və dinamik siyasətçi imiçi qazanıb".