İran İslam Respublikasının Ermənistandakı səfirliyinin Mədəniyyət Mərkəzinin təşəbbüsü ilə İrəvandakı Göy Məscid Kitabxanasında "Şahnamə" və Firdovsiyə giriş" adlı konfrans keçirilib. Tədbirdə tanınmış İran alimləri, mühazirəçilər, tələbələr və incəsənət nümayəndələri iştirak ediblər.

Axar.az xəbər verir ki, İran səfirliyinin Mədəniyyət Mərkəzinin direktoru Məhəmməd Əsədi Müvahed açılış nitqi edib.

Konfrans bədii çıxışlarla müşayiət olunub. İranlı tələbə "Şahnamə"dən parçalar oxuyub, erməni musiqiçi isə iki xalqın mənəvi yaxınlaşmasının simvoluna çevrilən "Hey İran" kompozisiyasını ifa edib.

Qeyd edək ki, İrəvandakı Göz Məscid Azərbaycan abidəsidir və 1766-cı ildə İrəvan xanı Hüseynəli xanın əmri ilə inşa olunmuşdur. İran o məscidi “restavrasiya” edərək özününküləşdirib və erməni-fars qardaşlığının simvoluna çevirib.

İran analoji “rekonstruksiyanı” Şuşa məscidində də həyata keçirmişdi. Şuşa işğaldan azad edildikdən sonra bu kənar müdaxilələr təmizləndi.