Axar.az
Yuxarı

Axar.Az Logo

Pan Gi Munun müavini Gömrük Komitəsinə təşəkkür etdi

Ana səhifə Gündəm
12 Punto 14 Punto 16 Punto 18 Punto

BMT baş katibinin müavini, qurumun Narkotiklər və Cinayətkarlıq üzrə İdarəsinin icraçı direktoru Yuri Fedotov məktubda narkotik vasitələrin qanunsuz dövriyyəsinə qarşı aparılan səmərəli mübarizə tədbirlərinə görə Dövlət Gömrük Komitəsinə (DGK) təşəkkürünü ifadə edib.

Dövlət Gömrük Komitəsindən Axar.az-a verilən məlumata görə, ötən illərdə olduğu kimi 2016-cı ilin cari dövrü ərzində də bəşəriyyət üçün ən böyük bəlaya çevrilən narkotik vasitələrin qanunsuz dövriyyəsinin qarşısının qətiyyətlə alınması məqsədilə ölkəmizin gömrük orqanları tərəfindən genişmiqyaslı tədbirlər həyata keçirilib.

Son illərdə gömrük infrastrukturu daha da modernləşdirilərək bu sahədə də ən müasir texniki vasitələrdən və üsullardan istifadə edilir. İri qabaritli nəqliyyat vasitələrinin yoxlama kompleksləri tətbiq olunmaqla gömrük nəzarəti və əməliyyat-axtarış fəaliyyətinin gücləndirilməsi, dünya təcrübəsində özünü doğrultmuş risklərin idarəetmə sisteminin geniş şəkildə tətbiqi, narkotik axtarışı üzrə təlim keçmiş itlərin sayının artırılması, gömrük əməkdaşlarının peşəkarlıq səviyyəsinin daha da yüksəldilməsi, beynəlxalq və regional təşkilatlarla, eləcə də digər dövlətlərin gömrük xidmətləri ilə əməkdaşlığın möhkəmləndirilməsi öz növbəsində narkotiklərlə mübarizə tədbirlərinin də səmərəliliyini artırıb.

Görülmüş tədbirlər nəticəsində 2016-cı ilin 9 ayı ərzində gömrük orqanları tərəfindən aşkar edilib, 89 fakt üzrə 98 faizindən çoxu heroin olmaqla 1 ton 132 kiloqramdan çox narkotik vasitə (o cümlədən 1 ton 112 kq heroin, 6,5 kq tiryək, 12 kq həşiş, 1,6 kq marixuana, 14 qr metadon və 92 qramdan çox və 150 ədəd həb psixotrop maddə) qanunsuz dövriyyədən çıxarılıb. Cari ildə 23 narkoqrup ifşa edilərək 12 nəfəri qadın, 107 nəfəri kişi olmaqla 119 nəfər barəsində təhqiqat və istintaq aparılıb, toplanmış materiallar müvafiq məsuliyyətə cəlb edilmələri üçün məhkəməyə göndərilib.

Saxlanılan şəxslərin 89 nəfəri Azərbaycan, 22 nəfəri İran, 2 nəfəri Belarus, 1 nəfəri Rusiya, 1 nəfəri Gürcüstan, 1 nəfəri Hindistan, 1 nəfəri Pakistan, 1 nəfəri Tacikistan, 1 nəfəri isə Türkiyə vətəndaşıdır.

Əldə edilən uğurların nəticəsi olaraq DGK-nin narkotiklərlə mübarizə sahəsində göstərdiyi səylər və qazandığı nailiyyətlər nüfuzlu beynəlxalq təşkilatlar tərəfindən də yüksək qiymətləndirilir.

Y. Fedotov DGK-nin rəhbərliyinə ünvanladığı məktubunda da ölkəmizin ərazisindən tranzit yolla keçirilməsinə cəhd edilən böyük həcmdə narkotik vasitələrin qanunsuz dövriyyəsinin qarşısının alınmasının mühüm əhəmiyyətini və digər dövlətlər üçün yaxşı nümunə olduğunu göstərməklə, DGK-ya öz təşəkkürünü bildirib, təmsil etdiyi qurumun Narkotiklər və Cinayətkarlıq üzrə İdarəsinin gələcəkdə də bu istiqamətdə dəstək göstərməyə və əməkdaşlığa hazır olduğunu vurğulayıb.

Tarix
2016.10.06 / 12:48
Müəllif
Axar.az
Şərhlər
Digər xəbərlər

Füzuli hava limanında ilk uçuşun vaxtı açıqlandı

Sərhədi pozdular, əsgərlərimizə qumbara çəkdilər... – Komediya

Köçəryanı həbs etmək üçün Paşinyan xalqdan kömək istədi

Bakı və Ankara bu sahədə də əməkdaşlığı genişləndirir

Qarabağda bu sahələrə investisiyalar yatıracağıq - Mətin

İlham Əliyev və xanımı Füzulidə - Foto

Ceyhun Bayramov britaniyalı nazirlə telefonda danışdı

Ərdoğanın Bakıya gəlişi: Bu, sıradan hadisə deyil

Ermənilər Ağdamı belə minalayıb - Video

Ordumuzun hücumuna Köçəryan hüquqi zəmin yaradacaq - Video

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla