Axar.az
Yuxarı

Axar.Az Logo

Beynəlxalq skandal: İsgəndər-M İrəvanda

Ana səhifə Gündəm
12 Punto 14 Punto 16 Punto 18 Punto

Rusiyanın Ermənistana İsgəndər-M raketlərini verməsi və İrəvanın da bu faktı təsdiqləməsi beynəlxalq skandal xarakteri daşıyır.

Bunu Axar.az-a açıqlamasında sabiq dövlət müşaviri Qabil Hüseynli deyib. Politoloq bildirib ki, Rusiyanın beynəlxalq konvensiyalara uyğun olaraq İsgəndər-M raketlərini ikinci bir dövlətə satmamaqla bağlı üzərinə götürdüyü öhdəliyi pozaraq Ermənistana təhlükəli silahlar verməsi hüquqi məsuliyyət yaradır:

"Bu, ən azından başda Amerika və NATO olmaqla, bütün dövlətlərin, o cümlədən Türkiyənin maraqlarına ziddir. Rusiyanın Ermənistana İsgəndər-M raketlərini verməsi və İrəvanın da bu faktı təsdiqləməsi beynəlxalq skandal xarakteri daşıyır. Azərbaycan bu məsələyə görə qarşı tərəfi beynəlxalq məhkəməyə verə bilər. Əvvəla, qadağan edildiyi halda Rusiya tərəfindən Ermənistana İsgəndər-M raketlərinin pulsuz göndərilməsi ilə bağlı BMT-də müzakirələr açmaq mümkündür. BMT bu məsələyə münasibət bildirdikdən sonra hətta prosesi Beynəlxalq Haaqa Məhkəməsinə də daşımaq olar. Türkiyə, lazım gələrsə, digər NATO dövlətləri də bu məsələyə lojistik dəstək verə bilər. Çünki açıq-aydın Avropada silahların və adi silahların saxlanmasına dair beynəlxalq müqavilənin cənubi cinah sazişinin pozulmasının şahidi oluruq".

Politoloq hesab edir ki, Azərbaycan bu məsələni istənilən beynəlxalq təşkilat və məhkəmədə qaldıra, Ermənistana sanksiya tələb edə, NATO və Amerikanın, eləcə də digər dövlətlərin yaxından dəstəyi ilə nəticələrə nail ola bilər:

"Çox təhlükəli bir presedent yaranıb: cırtdan bir dövlətin bölgəni təhdid etməsi BMT Təhlükəsizlik Şurasına çıxarılmalıdır. İşğalçı Ermənistan daha ciddi məkrli və dağıdıcı məqsədlər güddüyünü ortaya qoydu. Bu nöqteyi-nəzərdən Azərbaycan beynəlxalq aləmə SOS siqnalı verməlidir".

Qeyd edək ki, Ermənistan Müdafiə Nazirliyi Rusiyadan alınan raket kompleksinin İsgəndər-M olduğunu ötən gün rəsmən təsdiqləyib. Ermənistan Müdafiə Nazirliyinin Artilleriya və Raket Qoşunları bölməsinin qərargah rəisi polkovnik Artavazd Yağmuryan ölkəmizi təhdid edərək hökumətləri rəsmi icazə verəcəyi halda İsgəndər-M vasitəsilə Azərbaycana zərbə endirilə biləcəyini deyib.

Nüvə başlığı daşımaq gücündə olan bu yarımballistik raket 500 km məsafədəki hədəfi 100 faiz dəqiqliklə vurmaq qabiliyyətinə malikdir. Rusiyada İsgəndər-M-in satışı ilə bağlı qadağa olsa da, Ermənistana verildiyi ötən gün rəsmən açıqlandı.

Tarix
2016.10.22 / 14:11
Müəllif
Aygün Yusibova
Şərhlər
Digər xəbərlər

Şuşa bəyanatı: Ankaranın möhtəşəm gedişi... - Trofimçuk

Türk PUA-ları Qarabağda məharətini sübuta yetirdi – Alman KİV

Ümid edirəm ki, Ermənistan dərsini alar - Çavuşoğlu

Əliyev və Ərdoğanın Şuşa gəzintisi - Video

Şuşa bəyannaməsi: Türkiyə artıq qarant oldu! – Detallar

Prezidentin Ərdoğan və xanımı ilə maraqlı dialoqu - Video

Əliyev və Ərdoğanın Xankəndi mesajı - Video

Şuşa anlaşması Turan birliyinin başlanğıcıdır - Başbuğ

Şuşa səfəri: Türkiyənin Qafqazdakı varlığı möhürləndi - Video

Əliyev və Ərdoğanın Bakıya dönüş anının - Videosu

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla