Bu gün böhranlar artmaqdadır və beynəlxalq forumlarda müzakirə olunur. Bu böhranların həllinə mane olan ən böyük amillərdən biri etimadın olmaması, beynəlxalq əməkdaşlar arasında qarşılıqlı inamsızlıqdır.

Axar.az xəbər verir ki, Türkiyənin xarici işlər naziri Hakan Fidan Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) VII Zirvə Görüşündə deyib.

“Bizim prioritetimiz qarşılıqlı etimadı gücləndirmək, dialoqu inkişaf etdirmək və regional sahiblənməni təşviq etməkdir. AQEM dialoqun gücləndirilməsi və əməkdaşlığın səmərəliliyinin artırılması baxımından mühüm rol oynamalıdır. Bu məqsədlə AQEM-in tam səlahiyyətli beynəlxalq təşkilata çevrilməsinə çalışırıq”, - Fidan əlavə edib.