Yuxarı

Pakistan mətbuatı “Sehrbazlar dərəsi” romanından yazır - Foto

Ana səhifə Kult
12 Punto 14 Punto 16 Punto 18 Punto
Pakistan mətbuatı “Sehrbazlar dərəsi” romanından yazır - Foto

Azərbaycan ədəbiyyatının seçilən əsərlərindən biri urdu dilində nəşr olunduqdan sonra Pakistan mətbuatının diqqətini cəlb edib.

Kult.az xəbər verir ki, 2026-cı ilin mart ayında xalq yazıçısı Kamal Abdullanın “Sehrbazlar dərəsi” romanı urdu dilinə tərcümə edilərək Pakistanda nəşr olunub. Əsər Pakistanın bir neçə qəzetində təqdim və təhlil edilib, Azərbaycan yazıçısının yaradıcılığına, romanın ideya qatlarına və Azərbaycan ədəbiyyatının özünəməxsus dünyasına maraq göstərilib.

“Vadi-e-Tilsim” adı ilə urdu dilində oxuculara təqdim olunan roman Pakistan mətbuatında sirr, yaddaş, həqiqət və insan təcrübəsi ətrafında qurulan çoxqatlı bədii əsər kimi dəyərləndirilib. Yazılarda Kamal Abdullanın tarixi və fəlsəfi düşüncəni müasir təhkiyə ilə birləşdirən müəllif üslubu ön plana çəkilir. Romanın oxucunu yalnız hadisələrin ardınca aparmadığı, onu həqiqət və gerçəklik anlayışları barədə düşünməyə dəvət etdiyi vurğulanır.

Əsər haqqında materiallar “Daily Aeen Peshawar”, “Daily 51 News Peshawar” və “Daily Aksriyat Peshawar” qəzetlərində dərc olunub. Nəşrlərdə romanın süjeti ilə yanaşı, Kamal Abdullanın yazıçı və alim kimi yaradıcılığı, Azərbaycan ədəbiyyatının fərqli mədəniyyətlər arasında qurduğu ədəbi körpülər də işıqlandırılıb. Bu yazılar urdudilli oxuculara Azərbaycan ədəbiyyatının tanınmış nümayəndələrindən birinin yaradıcılığı ilə tanış olmaq imkanı yaradıb.

Kamal Abdullanın əsərləri milli yaddaş, tarix, mif və müasir insanın düşüncə dünyası arasında əlaqələr qurması ilə seçilir. “Sehrbazlar dərəsi” də bu baxımdan oxucuya hazır cavablar təqdim etməkdən çox, onu suallar üzərində düşünməyə sövq edir. Romanın urdu dilində nəşri Azərbaycan müəllifinin yaradıcılığının yeni oxucu auditoriyasına çatdırılması baxımından əhəmiyyətli addımdır.

Əsərin urdu dilinə tərcüməsi və Pakistan oxucusuna təqdim olunması Azərbaycan Dillər Universitetinin Pakistan Mədəniyyət Mərkəzinin fəaliyyəti ilə bağlıdır. Tərcüməni mərkəzin rəhbəri və tərcüməçi Azar Mahmud (Athar Mahmood) həyata keçirib. Bununla belə, Pakistan mətbuatında diqqət mərkəzində olan əsas mövzu Kamal Abdullanın müəllif dünyası və “Sehrbazlar dərəsi”nin bədii-fəlsəfi məzmunudur.

Pakistan qəzetlərində yayımlanan bu materiallar əsərin urdu dilli məkanında tanıdılmasına və Azərbaycan ədəbiyyatına marağın artmasına töhfə verir. “Sehrbazlar dərəsi”nin yeni dildə oxucu ilə görüşü Kamal Abdullanın yaradıcılığının sərhədləri aşan ədəbi dialoqa qoşulduğunu göstərir.

"Sehrbazlar dərəsi”nin Pakistan nəşri romanın beynəlxalq ədəbi yolunun yeni mərhələsidir. “Sehrbazlar dərəsi” Türkiyədə (2010), Rusiyada (2010, 2013, 2016), Litvada (2013), Qazaxıstanda (2013), Fransada (2013), Yaponiyada (2013), İranda (2014), ABŞ-da (2015), İtaliyada (2016), Rumıniyada çap olunub və bu ölkələrdə böyük təqdimat mərasimi keçirilib.

Tarix
2026.11.18 / 15:30
Müəllif
Kult.az
Digər xəbərlər

Prezident Oman Sultanını təbrik etdi

İlham Əliyev latviyalı həmkarını təbrik etdi

Bakı ilə İrəvan arasındakı sülh prosesi... – Gülər

Vadeful Bakıdan İrəvana uçdu

Türkiyə ilə Azərbaycan arasında münasibətlər... - Nazir

Bayramovdan TRİPP açıqlaması: Bakı ilə razılaşdırılmalıdır!

Hər şeyi edəcəyik ki, sülh müqaviləsi imzalansın...

Ermənistanla normallaşma prosesi... - Bayramov

Bayramov Əli Kərimli ilə bağlı bu sualı cavablandırdı

ABŞ-Çin-Rusiya liderlərinin görüşü... – Rəsmi Bakı

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla