Ermənistan Azərbaycanla enerji sahəsində əməkdaşlığı inkişaf etdirmək niyyətindədir.

Axar.az APA-ya istinadla xəbər verir ki, bunu Rusiya Enerji Həftəsi çərçivəsində “3+3” platforması: Enerji əməkdaşlığı Cənubi Qafqazda sülh və təhlükəsizliyin dayağı kimi” adlı dəyirmi masada çıxış edən Ermənistan Atom Elektrik Stansiyasının baş direktoru Eduard Martirosyan bildirib.

O, Ermənistanın qonşu ölkələrlə enerji əməkdaşlığı perspektivlərindən danışıb. Azərbaycan haqqında danışarkən, artıq baş tutmuş yanacaq tədarüklərini xatırladıb və gələcəkdə elektrik enerjisi tədarükünün də mümkün olduğu fikrini bildirib.

“Ermənistan qonşu ölkələr - İran və Gürcüstan və perspektivdə Azərbaycanla enerji sahəsində əməkdaşlığı inkişaf etdirmək niyyətindədir”, - deyə erməni spiker qeyd edib.