Bizim vəzifəmiz sülh sazişini mümkün qədər tez imzalamaqdır.

Axar.az xəbər verir ki, bunu Ermənistanın Baş naziri Nikol Paşinyan deyib.

“Sazişin imzalanmasını 2031-ci ilə, hətta 2029-cu ilə qədər təxirə salmaq planlarımıza daxil deyil. Bu, sadəcə, müəyyən vaxt tələb edən bir prosesdir”, - o bildirib.

Paşinyan Azərbaycanla sülh sazişinin 2027–2028-ci illərdə imzalanacağını qeyd edib: “Çətin ki, bu il çatdıraq”.

Qeyd edək ki, bundan öncə Paşinyan sülh sazişinin bağlanmasının 2031-ci ilə qədərki hədəfləri sırasında olduğunu açıqlamışdı. Bu isə Ermənistanın sülh sazişini 5 il gecikdirmək istədiyi kimi anlaşılmışdı.