Ana səhifə Gündəm |
Generalların Suriyadakı savaşın gedişatını Bakıda müzakirə etməsi bölgədə gərginliyi azaldacaq.
Bu sözləri Axar.az-a açıqlmasında millət vəkili Asim Mollazadə deyib. Onun sözlərinə görə, Bakı görüşü gələcəkdə hansısa xoşagəlməz hadisələrin qarşısını almağa, gərgin vəziyyətin yaranmamasına xidmət edəcək:
“Rəsmi Bakının əsas məqsədi bölgədə qarşılıqlı maraqlar üzərində siyasət formalaşdırmaqdır. Hesab edirəm ki, bu görüş ümumilikdə müsbət bir hadisədir və gələcəkdə ABŞ-Rusiya dialoqunun inkişafına, Yaxın Şərq məsələsinə, iki ölkə arasında gərginliyin azalmasına da təsir edəcək. Bölgədə sabitliyin, əməkdaşlığın tərəfdarı olduğumuz üçün belə görüşləri təşkil etməklə Azərbaycan öz siyasətini həyata keçirir”.
Qeyd edək ki, ABŞ Silahlı Qüvvələrinin Baş Qərargah rəisi Cozef Danford və Rusiya Silahlı Qüvvələrinin Baş Qərargah rəisi Valeri Gerasimovun fevralın 16-da Bakıda baş tutan görüşü dünya gündəmini zəbt edib.
Tarix
2017.02.20 / 09:18
|
Müəllif
Aygün Yusibova
|