Dağlıq Qarabağdakı hərbi qarnizonlarda həbslər başlayıb. Bu barədə erməni saytları yazırlar.

Axar.az xəbər verir ki. bu sözləri politoloq Elxan Şahinoğlu Ermənistandakı zabit həbsləri ilə bağlı deyib. O, ötənilki Aprel və builki son döyüşlərin ermənilərə təsirini müqayisə edib:

“Həbs edilənlərdən ikisi yüksək rütbəli zabitdir, ordu hissələrində ərzaq və təhcizat məsələlərinə məsul idilər. Göründüyü kimi, Dağlıq Qarabağda hərbi rejimin varlığına rəğmən, yüksək rütbəli zabitlər əsgərlərin ərzağına göz dikiblər. Yəqin ağır sosial durum onları ərzağı kənara satmağa məcbur edir. Ötən ilin aprel döyüşləri Ermənistan ordusunun korrupsiya bataqlığında olduğunu üzə çıxartdı, işğalçı qoşunların sıravi hərbçiləri geyim və ərzaq sarıdan çətinlik çəkərkən, generalların İrəvan ətrafındakı villaları müzakirə predmeti oldu. Budəfəki döyüşlər isə Dağlıq Qarabağdakı işğalçı generalların oğurluğu ilə yadda qaldı. Bir az daha sıxsaq, işğalçı ordunun başqa problemləri də üzə çıxacaq”.