Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
19 Sentyabr 2020


Ömürlük məhkumlar da müraciət edirlər - Millət vəkili

Ana səhifə Gündəm
12 Punto 14 Punto 16 Punto 18 Punto

Novruz bayramı ərəfəsində dövlət başçısının əfv sərəncamı imzalaması gözlənir. Prezident yanında Əfv Məsələləri Komissiyası iclaslar keçirərək müraciətlərə baxır. Ömürlük məhkumların müraciətlərinə də baxılırmı?

Novator.az-ın sualını cavablandıran komissiya üzvü, deputat Məlahət İbrahimqızı deyib ki, ömürlük məhbuslardan da müraciətlər daxil olur: “Komissiyanın nizamnaməsinə görə, cinayət törətmiş şəxs və ya onun yaxın adamları, vəkili əfvlə bağlı müraciət edə bilər. Ömürlük məhkumlar da müraciət edirlər. Əfv Komissiyasının təcrübəsində bir neçə dəfə olub ki, ömürlük həbs edilənin cəzası yumşalıb, müəyyən müddətlə əvəz edilib. Məhkumun törətdiyi cinayət, zərərçəkmişlərin münasibəti, həbsdə olduğu müddət ərzində özünü aparması, dövlət və cəmiyyət üçün təhlükəli olub-olmaması kimi məqamlar təhlil edilir, yoxlanır, hansısa ip ucu, şans varsa, ömürlük cəza müəyyən müddətlə dəyişdirilir.

Konkret mənə ömürlük məhbuslardan müraciət daxil olmayıb, amma komissiyanın çox üzvü var, onlara belə müraciətlər edilir. Birbaşa prezidentə, birinci vitse-prezident Mehriban Əliyevaya, Prezident Administrasiyasının rəhbəri Ramiz Mehdiyevə də belə müraciətlər var. Əfv dövlət başçısının səlahiyyətidir. Prezidentin apardığı siyasətin mayasında məhz humanizm dayandığı üçün minlərlə məhbus əfv edilərək ailəsinə, yaxınlarına qovuşub. O cümlədən Mehriban Əliyeva parlamentdə olduğu müddətdə bir neçə dəfə amnistiya təşəbbüsü irəli sürüb və bu, müsbət qarşılanıb. İstənilən müraciətə bizim komissiya da baxır və adekvat qərar qəbul olunur”.

Növbəti əfv siyahısında ömürlük məhbusların da adı yer ala bilərmi? Məlahət İbrahimqızı konkret fikir səsləndirməyi düzgün hesab etmir: “Müraciətlər var, onlara baxılır. İctimaiyyətin ayrı-ayrı təbəqələrini təmsil edən komissiya üzvləri kimi borcumuz bizə daxil olan müraciətləri araşdırıb təhlil aparmaq, komissiyanın iclasına çıxarmaq, müzakirələrdə iştirak etmək, həmin şəxslərin azadlığa buraxılması, cəzalarının endirilməsi ilə bağlı münasibətimizi ifadə etməkdir. Kiminsə əfv edilməsi, qeyd etdiyim kimi, prezidentin səlahiyyətidir. Biz sadəcə müraciətlərə münasibət bildiririk və səs veririk”.

1998-ci ildə Milli Məclisin qəbul etdiyi qanunla ölüm hökmü ləğv olunub və ölümə məhkum edilmiş şəxslərin cəzası ömürlük həbslə əvəzlənib. Həmin məhbuslar uzun illərdir cəzalarının müddətli həbslə əvəzlənməsini istəyirlər. Avropa Şurasının Parlament Assambleyası da 2007-ci ildə qəbul etdiyi qətnamədə Azərbaycan hökumətinə ölüm cəzasının ləğvindən sonra ömürlük məhbusa çevrilmiş şəxslərin cəzalarının yumşaldılmasını tövsiyə edib.

Tarix
2017.03.03 / 23:57
Müəllif
Axar.az
Şərhlər
Digər xəbərlər

Köçəryan: Türkiyə Bakıya heç vaxt bu qədər açıq... - Video

Nə Lukaşenkonu, nə də Yaqublunu dəstəklədim...

Əl çəkin Tofiq Yaqubludan... – Politoloqdan çağırış

Sorğu verəcəm: Bu halda erməni səfir qovulmalıdır

AMEA bir şəxsin maraqlarına qurban verilir - Politoloq

Yaqublu işində “qan çıxarmaq” istəyənlər... – Millət vəkili

Bülbüloğlu qubernatora erməni təxribatından danışdı

Ombudsman AŞ-ın tədbirinə qatıldı

İrəvanda daha bir mitinq-yürüş: istefa tələb edilir - Foto

BAXCP sədri: Tofiq Yaqublu həyatını itirsəydi...

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla