Ermənistanın eks-prezidenti Levon Ter-Petrosyan reallığı anlayır. O yaxşı bilir ki, Azərbaycan və Türkiyə ilə əbədi düşmənçilik Ermənistanı fəlakətə aparır.

Axar.az xəbər verir ki, bu sözləri politoloq Elxan Şahinoğlu Ermənistanın eks-prezidentinin son çıxışlarına münasibət bildirərkən qeyd edib. Politoloq bildirib ki, buna baxmayaraq, 2 aprel seçkisində Levon Ter-Petrosyan tərəfdarlarının parlament seçkisində səs çoxluğu qazanması problematikdir:

“Hər halda, Levon Ter-Petrosyan Ermənistanda yeganə siyasətçidir ki, "Dağlıq Qarabağ ətrafındakı rayonlar Azərbaycana qaytarılmalıdır" fikrini səsləndirir. Görəsən, seçki bitdikdən sonra Levon Ter-Petrosyan da Sülh Platformasına imzasını ata bilərmi? Bu prosesə qoşulsaydı, ümumi işə xeyir vermiş olardı”.