Ana səhifə Gündəm |
Millət vəkili Qənirə Paşayeva yaralı gizir Yaşar Hüseynovu müalicə aldığı xəstəxanada yoluxub.
ANS-in verdiyi məlumata görə, Q.Paşayeva Y.Hüseynovun 6 erməni əsgərini öldürdüyünü və şəhidlərimizin intiqamını aldığını öz Feysbuk səhifəsində qeyd edib:
"Bu gün Hospitalda onun əlini sıxmaqdan və onu tanımaqdan qürur duydum. Belə oğullarla hamımız fəxr etməliyik. Ermənistan Silahlı Qüvvələrinin təxribatlarına layiqli şəkildə cavab verən zaman qolundan yaralanmasına, ağrılara baxmayaraq döyüşü davam etdirən və düşmən ordunun 6 əsgər və hərbiçisini məhv edərək şəhidlərimizin intiqamını alan qəhrəman bir qardaşımız. Səninlə və səninlə bərabər düşmənə layiqli cavab verən bütün qardaşlarımızla fəxr edirik. Yaralı olmasına baxmayaraq sənin cəsarətin, ağrılara belə əyilməmən, "yaralarım bir az yaxşılaşan kimi qayıdıram düz ön cəbhəyə demən" gözümün qarşısından getmir. İnanırıq ki, sizin kimi oğulların sayəsində biz Ali Baş Komandanımızın, cənab Prezidentin rəhbərliyi altında Ermənistanın işğalı altında olan torpaqlarımızı da işğaldan azad edəcəyik. Səni kimi oğulların sayı daha da çoxalsın. Bütün dualarımız səninlə. İnşallah Allahın və həkimlərimizin yardımı ilə tezliklə sağalacaqsan. Yaşar qardaşımızdan dualarınızı əksik etməyin".
Tarix
2014.08.04 / 10:39
|
Müəllif
Axar.az
|