"Putin Soçidə İrəvanın Avrasiya İttifaqına üzvlüyü ilə bağlı razılaşmanın təqdimatını keçirəcək".

Axar.az xəbər verir ki, bu iddia ilə Ermənistan mətbuatı çıxış edib.

Mətbuat Avrasiya İttifaqına üzvlüyün İrəvan üçün faciəvi sonluqla başa çatacağını bildirib:

"Azərbaycan və Ermənistan prezidentləri Soçidə görüşən zaman Putin İrəvanın Avrasiya İttifaqına üzvlüyü ilə bağlı razılaşmanın təqdimatını keçirəcək. Əliyev isə həmin zaman qonşu otaqda əyləşib Ermənistanın Rusiyanın pəncələrindən çıxa bilməməsinə şad olacaq. Görünür, ordu sərhəddə üç günlük müharibə edəndə hakimiyyət özünü birbaşa Moskvaya satıb. Ermənistanın Avrasiya İttifaqına üzvlüyü onun üçün katastrofik nəticələrə gətirib çıxaracaq. Gürcüstan söz verdiyi kimi azad iqtisadi rejimi ləğv edəcək. ABŞ və Avropa isə İrəvanı sanksiya tətbiq etdiyi ölkələrin siyahısına salacaq. İranın Ermənistana marağı tamam itəcək və ölkədə qiymətlərin anidən qalxması müşahidə olunacaq. Görəsən, nə zamansa Ermənistanda hakimiyyət nümayəndələrindən kimsə çıxıb sərbəst şəkildə Avrasiya İttifaqına üzv olmaqla İrəvanın sonunun çatdığını bildirəcəkmi?"