Rusiyanın paytaxtı Moskvada 500 könüllü azərbaycanlı Qarabağda döyüşmək üçün ölkəmizin Rusiyadakı səfirliyinə müraciət edib.

Axar.az xəbər verir ki, həmyerlilərimiz Ermənistanın Dağlıq Qarabağda baş verən son hadisələrdə atdığı addımları sərt şəkildə tənqid edib.

Qeyd edək ki, səfirlik qarşısında toplanan təxminən 500 azərbaycanlı Prezident İlham Əliyevin siyasətini dəstəklədiklərini ifadə ediblər. Keçirilən nümayişdə çıxış edən jurnalist Anar Həsənov "Ali Baş komandan, Prezident İlham Əliyevin qərarı ilə hamımız Qarabağ uğrunda döyüşməyə hazırıq", - deyə bildirib.

Daha sonra səfirliyin müşaviri Asəf Mehdiyev nümayişçiləri səfirliyə dəvət edərək göstərdikləri dəstəyə görə, minnətdarlığını bildirib.

Diaspor nümayəndələri müharibə başladığı təqdirdə cəbhəyə getmək üçün 500 könüllünün siyahısını səfirliyə təqdim edib.