Ana səhifə Gündəm |
"Kaliforniya ştatının qətnaməsi kağız parçasından başqa bir şey deyil".
Axar.az xəbər verir ki, bu sözləri Elman Abdullayev keçirdiyi brifinqdə deyib. O vurğulayıb ki, erməni mətbuatının təqdim etdiyi kimi sənəddə "Dağlıq Qarabağ" respublika kimi tanınmır:
"Sənəd deklorativ xarakter daşıyır. Və heç bir qüvvəsi yoxdur. Erməni lobbisi başda olmaqla erməni KİV-i və rəsmi İrəvan sadə erməniləri aldatmağa çalışır. Bu yalan məlumatları Azərbaycan dayanmadan ifşa edəcək. Ermənistan tərəfinin aldatma oyunlarını üzə çıxaracaq. Kaliforniya Senatının 40 üzvünün 17-si, başda Senatın prezidenti olmaqla bu sənədi imzalamaqdan imtina edib. Erməni lobbisinin ən güclü olduğu Kaliforniya ştatında belə, vəziyyət Azərbaycanın xeyrinə dəyişib.
Kaliforniya senatının üzvlərinin bu yanaşması onların maliyyə gəlirinin əsiri olduğunu göstərir. İşğalı dəstəkləmək onların insan haqları və beynəlxalq hüquq normaları haqqında anlayışlarının səhv olduğunu göstərir".
Qətnamədə ABŞ Konqresi və prezidentinə də qərarı dəstəkləmək çağırışı yer alıb.
Qeyd edək ki, ABŞ-ın Kaliforniya ştatı qondarma "Dağlıq Qarabağ Respublikası"nın müstəqilliyini tanıyıb. Ştat senatı bununla bağlı müvafiq qətnamə qəbul edib.
Tarix
2014.08.28 / 13:00
|
Müəllif
Şəmsəddin Ənsar
|