"Qərb tarixən Rusiya ilə ənənəvi səhvini bu gün Ukrayna siyasətində də davam etdirir".

Bunu Axar.az-a prezidentliyə keçmiş namizəd, İctimai Tədqiqatlar Mərkəzinin rəhbəri İlqar Altay Qərb-Rusiya arasındakı "soyuq müharibə" haqda danışarkən deyib.

Onun fikrincə, Qərb yenə də həlledici anda, münaqişənin güc göstərməkdən başqa çıxış yolu görünmədiyi vaxt Rusiyadan çəkinir. Politoloq hesab edir ki, Qərb mənasız diplomatik səylərini davam etdirir:

"Artıq Putin desant və digər ordu birləşmələri göndərməklə Ukraynaya birbaşa hərbi müdaxilə edir və bunu gizlətmir. Amma Qərbdən hələ də adekvat reaksiya yoxdur. Bu olmayacaqdısa, Qərb Rusiyadan qat-qat hərbi gücü çox olduğu halda Moskvanın Ukraynaya açıq hərbi müdaxiləsinin, elan olunmamış müharibəsinin qarşısına hansısa iqtisadi sanksiyalar qoymaqla kifayətlənir".

Onun sözlərinə görə, belə halda Ukrayna xalqı və dövlətini Rusiyaya qarşı təhrik etməyin mənası yoxdur: "Hər halda yaxın günlərdə hər şey aydın olacaq".