Axar.az
Yuxarı

Axar.Az Logo

“Ərdoğan hər iki halda doğru qərar verdi”

Ana səhifə Gündəm
12 Punto 14 Punto 16 Punto 18 Punto

"Hadisələrin bu qədər xaotik sistemdə davam etməsi mümkün deyil".

Bunu Axar.az-a açıqlamasında politoloq Fərhad Mehdiyev Tükiyədəki son durumu şərh edərkən deyib.

O, Türkiyədə indi vəziyyətin qarışıq olduğunu bildirib:

"Ölkədədaxili hadisələr Ərdoğanın nəzarətindən cıxarsa, onu çevriliş ilə uzaqlaşdıra da bilərlər. Düzdür, ordunun onun nəzarətində olduğu deyilsə də, həqiqətdə Ərdoğan bütün orduya hakim deyil. DİN və polisə hakimdir, ancaq polis ölkədəki duruma nəzarət edə bilmir. On minə yaxın polisin aktiv vəzifələrdən passiv vəzifələrə göndərilməsi heç yaxşı olmadı. Bu səbəblə də ordu şəhərlərə girir. Bu da AKP-nin sonu ola bilər. Digər tərəfdən, qarşıdan HSYK (məhkəmə-hüquq şurası) seçkiləri yaxınlaşır və 22 nəfərlik şuranın 10 əsas və 6 ehtiyat üzvü oktyabrın 12-də seçiləcək. AKP üçün bu seçkilər olduqca vacibdir, çünki məhkəmə sistemi hələ də onun nəzarəti altında deyildir. Görünən budur ki, AKP-nin de-fakto namizədlərinin toplandığı Yargıda Birlik Platformasının bu seçimləri qazana bilmə ehtimalı azdır. Bununla belə, ölkədəki qarşıdurmaların buna nə qədər hesablanıb-hesablanmadığını demək çətindir. Fövqəladə vəziyyət elan edilərsə, seçkilər təxirə salına və zaman qazanıla bilər. Lakin bir gün ərzində belə bir şey olacağını demək çətindir. İnanmıram ki, bu qarşıdurmalar ölkəni xaosa aparıb çıxarsın. Hökumət istədikdən sonra bunun qarşısını asanlıqla aradan qaldıra bilər. Türk mediasında bəzi mənbələr KCK-HDP-BDP-nin bu xaosu bir yerdə yaratdıqları, KCK-nın daxilində də xeyli sayda MİT agentinin olduğunu qeyd edirlər. Əgər ölkədəki çaxnaşma səngiməyib böyüsə, hesab edirəm ki, məqsədli olacaq və arxa planda daha ciddi dəyişikliklər məqsədi ilə, məsələn, çevriliş, ya da uzun müddətli vətəndaş müharibəsi kimi həyata keçiriləcək".

F.Mehdiyev qanlı olmasa belə, qarşıdurmaların davam edəcəyini vurğulayıb:

"Çünki Öcalan və Dəmirtaş da danışıqlarda zorakılıq olmadan mitinqlərin davam edəcəyini bildiriblər. Digər tərəfdən, bunların türk hökumətinə qarşı sürdüyü şərtlər də yolverilməzdir - ya Kobanidəki kürdlərə silah yardımı, ya da Bərzani qüvvələrinin Türkiyə üzərindən Kobaniyə girişlərinə icazə verilməsi. Buna görə razılaşma əldə olunmayacaq və qarşıdurmalar qaçılmazdır. Sadəcə, hökumət nəzarəti əldən verməməlidir. Güclü olan odur. Etirazlar nə qədər güclü olsa da, Gəzi əyləmlərindəki kimi olmayacaq. Nəzarət hökumətin əlindədir. Onu da qeyd edək ki, ABŞ hava zərbələri Kobanidən İŞİD-i tez bir vaxtda uzaqlaşdıra bilsə və orda həyat normala dönsə, bu da Türkiyədə vəziyyətin stabilləşməsinə kömək edəcək".

Politoloqun fikrincə, Türkiyənin Kobaniyə yalnız humanitar yardım göstərmək istəməsi çox təbii haldır:

"Çünki Suriyanın şimalında muxtariyyət istəyən kürd bölgələri var. Bunlardan biri isə Kobani bölgəsidir. Digərləri isə Ətrifli və Qamışlı deyilən bir yerdir, hətta bunlar özlərini kanton belə adlandırıblar. Ortaq sərhədlər olmasa da, Suriyanın şimalındadır. Buna görə Ərdoğan kürdlərin orda möhkəmlənməsinə maraqlı deyil. İŞİD tərəfindən burdakı kürdlərin zərərsizləşdirilməsinə maraqlıdır. Türkiyə yekun qərarını hələ verməsə də, onun sürdüyü şərtlər - uçuşa qadağan olan zonanın qurulması və Əsədin uzaqlaşdırılması Psakinin bəyanatı ilə qəbul olunmayıb. Buna görə indiki şərait türk ordusunun Suriyaya girmə ehtimalını çox aşağı edir. Çünki Türkiyə Şama qədər gedən deyil. Bunun üçün quru qoşunlarından ibarət beynəlxalq koalisiya qüvvəsi olmalıdır. Nə Amerika, nə Fransa, nə də İngiltərə belə bir qoşun verməyə hazır və niyyətli deyil. Əlbəttə ki, Türkiyə bunu təkbaşına da edən deyil. Qərbin Türkiyədən istədiyi Suriyanın şimalına, yəni Kobanidəki vəziyyətə müdaxilə etməsidir. Başqa bir tərəfdən isə YPG-nin başçısı Saleh Müslim Rusiyanın Kanal 24-də müsahibəsində deyib ki, biz Türkiyə ordusunun ölkəmizə girməsini hücum kimi qiymətləndirəcəyik. Bizə ancaq silah lazımdır. Məlum məsələdir ki, Türkiyə silah verən deyil. Çünki silahın dönüb Türkiyəyə qarşı istifadə olunmaycağına təminat yoxdur. Eyni zamanda, Bərzani xahiş edib ki, mənə dəhliz ver, Türkiyə üzərindən keçərək Kobanidə kürdləri qoruyum. Ancaq buna nəinki Türkiyə, beynəlxalq münasibətlər sistemində olan heç bir ölkə öz ərazisindən ikinci bir dövlətin silahlı qüvvələrinin keçməsinə icazə vermir. Hesab edirəm ki, Türkiyənin məlum məsələyə razılıq verməməsi olduqca haqlı səbəblə bağlıdır".

Tarix
2014.10.11 / 08:45
Müəllif
Aygün Yusibova
Şərhlər
Digər xəbərlər

Qarabağa bu gün də ermənilər gətirildi – Son rəqəm

Prezidentin Şuşada möhtəşəm Xankəndi mesajı

Paşinyanın imzası nəyi göstərir? - Qrafoloq

TRT-nin filmi: Moskva bilir ki, Bakı sonadək gedəcək – Video

Paşinyan müdafiə nazirinə yeni müavin təyin etdi

Erməni spiker türk casusudur? – İrəvanda qalmaqal

Qarabağa bu gün gətirilən ermənilərin sayı açıqlandı

Vaksinasiya Strategiyası təsdiq olundu - Rəsmi

Bakı İrəvana qarşı hərəkətə keçdi: AİHM-ə müraciət

Bu şəxslər dövlət qayğısı ilə əhatə edilib - Hacıyev

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla