"Ermənistanla Dağlıq Qarabağ arasında gömrükçülərin yerləşdirilməsini yaxın vaxtlarda planlaşdırmırıq".

Axar.az Reqnum agentliyinə istinadən xəbər verir ki, bu açıqlama ilə Federal Gömrük Xidmətinin rəhbəri Andrey Belyaninov çıxış edib.

O, Ermənistana yeni nümayəndə təyin etdiyini bildirib:

"Mənim nümayəndəm tezliklə Ermənistana gedəcək. O, sərhədi ziyarət edəcək, amma erməni gömrükçülərinin işinə müdaxiləni planlaşdırmırıq. Bu gün əsas sual iş dilinin təyin olunması məsələsidir. Rusiya, Belorusiya və Qazaxıstanda biz rus dilindən istifadə edirik, Ermənistanda isə bu, erməni dilidir".

Qeyd edək ki, hazırda Ermənistanla Qarabağ arasında indiyədək gömrük işçiləri yerləşdirilməyib. Burada yalnız sərhədçilər fəaliyyət göstərir. Amma bir müddət öncə Ermənistan Gömrük İttifaqına üzv olmaq istəyərkən Qazaxıstan Prezidenti Nursultan Nazarbayev İrəvanın Qarabağla sərhəddə gömrük keçid məntəqələrinin yerləşdirməsini tələb etmişdi.