Pakistan və Hindistan arasındakı alovlanma Yaxın Şərqdən Cənub-Şərqi Asiyaya gedən eskalasiyanın gözlənilən partlama nöqtəsi oldu. Sadəcə, heç kim onun harada qızışacağını bilmirdi.

Bu sözləri Axar.az-a açıqlamasında Yaxın Şərq və Qafqaz ölkələri üzrə ekspert Stanislav Tarasov Hindistan və Pakistan arasında yaranan qarşıdurma haqda danışarkən deyib.

Politoloqun sözlərinə görə, Şanxay Əməkdaşlıq Təşkilatında əməkdaşlıq edən İslamabad və Dehli hələ də öz aralarında tarixi problemləri həll edə bilmir:

“Lakin birdən-birə, hardansa Hindistan yönümlü terrorçular peyda oldu və aşağıdakılar aydınlaşdı: Pakistan Çin ilə, Hindistan isə ABŞ və Rusiya ilə yaxından əməkdaşlıq edir. Bu “sehirli üçbucaqlardır”.

Düşünmürəm ki, müharibə olacaq. Hazırda yalnız geosiyasi tənzimləmə getməkdədir. Bundan sonra nə olacağını isə bir tanrı bilir”.