Ana səhifə Gündəm |
Türkiyə Hərbi Hava Qüvvələrini inkişaf etdirməyə çalışırdı və bunun üçün ABŞ-dan dəstək istəyirdi. Lakin rəsmi Vaşinqton bu dəstəyi verməkdən imtina edirdi.
Bu sözləri Axar.az-a ABŞ-Türkiyə arasında olan gərginliyə münasibət bildirən siyasi elmlər üzrə fəlsəfə doktoru, Bakı Politoloqlar Klubunun sədri Zaur Məmmədov deyib. O bildirib ki, Türkiyənin hazırkı vəziyyəti onu Qərb ölkələri ilə arasındakı vəziyyəti düzəltməyə vadar edir:
“ABŞ və Türkiyə arasında geosiyasi maraqlarda bir sıra fikir ayrılıqları var. Türkiyənin Rusiya ilə yaxınlaşması ABŞ-ı narahat edir. Rusiya S-400-ü avqust-sentyabr ayında Türkiyəyə təhvil verməlidir. Türkiyə hərbçiləri Rusiyada S-400-ün istismarı ilə bağlı təlimlər keçməyə başlayıb. Lakin rəsmi Ankara ilə Moskvanı təkcə S-400 yox, bir çox məsələ bağlayır. Buna Türkiyədə AES tikilməsini misal göstərmək olar. Əslində, ABŞ və Türkiyənin maraqları daha yaxındır. Vaşinqton üçün Yaxın Şərqdə iki güclü regional dövlət (İran və Türkiyə) çox vacibdir. Düşünürəm ki, danışıqlar masası ətrafında iki ölkə arasında olan problemli məsələlərə aydınlıq gətiriləcək. Bu gərginliyin davamında Türkiyə tərəfi publikadan kənarda ABŞ-la münasibətləri düzəltməyə çalışacaq”.
Tarix
2019.05.17 / 08:45
|
Müəllif
Mahir Ələkbərov
|