Azərbaycan Bosniya və Herseqovina turizminə milyonlarla investisiya yatırımı edəcək. Azərbaycan Dövlət Neft Şirkəti (ARDNŞ) keçmiş Yuqoslaviya ölkəsində yeni layihələr həyata keçirəcək.

Axar.az-ın əldə etdiyi məlumata görə, Montoneqro, Macarıstan, Gürcüstan turizminə qoyulan investisiyalar Bosniya və Herseqovinada da reallaşdırılacaq.

Məlumalatda bildirilir ki, bu ölkənin Nazirlər Şurasının Azərbaycan vətəndaşları üçün viza rejimini ləğv etməsi də məhz ikitərəfli iqtisadi və ticari əməkdaşlığın genişlənməsinə hesablanıb.

Qeyd edək ki, Bosniya-Herseqovina həmçinin BƏƏ, Oman, Bəhreyn, Baham adaları, Barbados və digər dövlətlərlə də viza rejimini ləğv edir. Qərar yekdilliklə qəbul edilib. Hazırda ümumilikdə 72 ölkənin vətəndaşı Bosniya-Herseqovinaya vizasız səfər edə bilər.