94 saylı Bərdə kənd seçki dairəsindən deputatlığa namizəd Zahid Oruc Bərdənin Mustafağalı və Arabaçılar kəndlərindəki seçiciləri ilə görüş keçirib.

Axar.az xəbər verir ki, Mustafağalı kənd orta məktəbində baş tutan görüşdə çoxsaylı seçici iştirak edib.

Görüşdə seçicilərin təklifləri dinlənilib, Zahid Oruc ötən dövrlərdə parlamentdəki fəaliyyətindən bəhs edib, insanlarla dərdləşib.

“Dəyərli el ağsaqqallarının, hörmətli sakinlərin fikirlərini dinlədik, təkliflərini aldıq, ən əsası, həmişəki dəstəyi hiss etdik.
9 fevral - qələbəyə az qaldı”, - deyə Zahid Oruc görüş təəssürattını sosial şəbəkə hesabında qeyd edib.