Avstriyada Türkiyə-Azərbaycan Dostluq Platformasında "Xocalı Qətliamı" mövzusunda keçirilən tədbirdə çıxış edən millət vəkili Sinan Oğan dəhşətli iddialar səsləndirib.

Axar.az xəbər verir ki, Milliyyətçi Hərəkat Partiyası (MHP) İqdır millət vəkili Sinan Oğan tarixdə çox böyük ağrılar yaşayan türk millətinin soyqırımçı kimi tanıdılması üçün böyük iş getdiyini söyləyib.

Avstriyanın paytaxtı Vyanada çıxış edən millət vəkili: "Mənim babamı ermənilər bütün kəndlilərin qarşısında diri-diri yandırıblar. Bu hadisənin tarixçəsi çox maraqlı və dəhşətlidir. Nənəm oğlu evə gəlmədiyinə görə babama "get oğlumu tap" deyib. Babam oğlunu axtarmağa və xilas etməyə gedərkən özü dəhşətli şəkildə həlak olub. Ermənilər onu diri-diri yandırıblar".