Ana səhifə Gündəm |
Azərbaycanın Rabitə və Yüksək Texnologiyalar naziri Əli Abbasov Pərdis Texnologiya Parkının direktoru Mehdi Səfəriniyanı Azərbaycana dəvət edib.
Axar.az xəbər verir ki, İran İslam Respublikasında səfərdə olan nazir Pərdis Texnologiya Parkında (PTP) olub.
Parkın direktoru Mehdi Səfəriniya nazirə məlumat verərək bildirib ki, 400 şirkətlə əməkdaşlıq edən park onların sifarişləri əsasında həm məhsul istehsal edir, həm də kadr hazırlığı işlərini həyata keçirir.
Görüşdə Azərbaycan və İranın texnologiya parkları arasında əməkdaşlıq əlaqələrinin qurulmasının hər iki tərəf üçün müsbət nəticələr verə biləcəyi vurğulanıb. Bu əməkdaşlıq təcrübə mübadiləsi ilə yanaşı, kadr hazırlığı və istehsal olunan məhsulların satışının təşkil edilməsindən də ibarət ola bilər.
Əli Abbasov Mehdi Səfəriniyanı Azərbaycanın yeni texnologiyalar sahəsində əldə etdiyi nailiyyətlərlə tanış olmaq üçün Azərbaycana dəvət edib.
Tarix
2015.02.26 / 11:29
|
Müəllif
Nigar İxtiyarqızı
|