ABŞ-ın 145-dən çox Türk-amerikan təşkilatının toplandığı İstiqamətləndirmə Komitəsinin sülh və uzlaşma ilə bağlı sənədi "Nyu York Tayms" tərəfindən senzuraya məruz qalıb.

Axar.az xəbər verir ki, sənəd 24 aprel 1915-ci il hadisələrində həlak olmuş erməni xalqına qəzet tərəfindən matəm tutulduğu üçün senzuraya uğrayıb.

Qəzetin reklam şöbəsinin məsulu Maykl Hayden İstiqamətləndirmə Komitəsinə yazdığı məktubda 5 paraqraflıq sənədin 3 paraqrafının silinməsini istəyib.

Bu paraqraflarda "soyqırım" ifadəsinin bir çox tarixçi tərəfindən qəbul edilmədiyi vurğulanıb.

Hayden eyni zamanda beşinci paraqrafdakı - "100 il əvvəl nə türklər, nə ermənilər tərəfindən başladılmayan bir döyüş Osmanlı ermənilərinə, türklərə və digər qruplara böyük itkilərə başa gəldi" ifadəsinin də silinməsini istəyib.

Qeyd edək ki, "Nyu York Tayms" tərəfindən senzura edilən sənəd "Vaşinqton Post" tərəfindən qəzetdə çap edilib.